Isa si Governor Arthur Defensor sa lima ka mga gobernador sa pungsod Pilipinas nga gin-imbitar ni Pangulong Rodrigo Duterte sa special gala dinner nga hiwaton sa SMX convention center sa maabot nga Domingo, Nobyembre 12.
Ginpahayag ni Governor Defensor nga ginbaton niya ang nasambit nga imbitasyon sang presidente para sa nasambit nga okasyon.
Nahibaluan nga sa 81 ka mga gobernador sa bug-os nga pungsod, lima lamang ang gin-imbitar sang presidente nga magtambung sa espesyal nga okasyon.
Ang iban pa nga mga gobernador nga imbitado sa gala dinner amo sanday Governor Luis Ryan Singson sang Ilocos Sur, Governor Florencio Miraflores sang Aklan, Governor Edgardo Chatto sang Bohol kag Governor Lilia Pineda sang Pampanga.
