Ginsiguro ni Incoming South Cotabato Governor Reynaldo Tamayo Jr. nga sa iya pagpungko sa pwesto lauman ang daku nga pagbag-o sa sistema sang panggobyerno tungod sadto pa man iya na nga ginasinggitan suno pa ang pagguba sa bulok nga sistema nga ginapatuman sang subong nga administrasyon.
Tutukan man suno pa ang tanan nga aspeto para sa development kapareho sang edukasyon, health, peace and order kag iban pa.
May-angot sini, umpisa sa Lunes nga adlaw Hulyo 1 wala na sang magpila sa billing section sang mga government hospital sa probinsya.
Ginpahayag niya man nga sa second semester libre na ang edukasyon halin elementary tubtob kolehiyo tungod naistorya niya na ang Commission on Higher Education angot sa educational assistance sa mga estudyante kag mangayo sang diskwento sa pipila ka mga pribado nga eskwelahan.
Kampanti man si Governor – Elect Tamayo nga kon ano ang mga programa niya suportahan ini sang mga katapo sang Sangguniang Panlalawigan kon makapaayo para sa mga pumuluyo sang South Cotabato.
Ginhimo sang magpungko nga gobernador ang pahayag kadungan sang iya nga oath taking upod si 1st District Board Member Noel Escobillo kag inaugural address sini kahapon nga adlaw.
Samtang pormal man nga ginturn-over kahapon nga adlaw sang administrasyon ni Governor Daisy Avance Fuentes paagi sa iya transition team ang mga provincial documents kag iban pa sa magpungko nga bag-o nga gobernador.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
