May memorandum na nga ginpaggwa si South Cotabato Governor Daisy Avance Fuentes angot sa pagresume sa paghatag sang ayuda sa mga nagapangayo sang bulig sa idalom sang Assistance to Individual in Crisis Situition paagi sa Provincial Welfare and Development Office ukon PSWDO.
Apang suno kay PSWD Officer Haidie Agustin ginasiguro nila nga indi matandog ang pondo para sa third kag fourth quarter sang tuig agud nga sa pagpungko sang bag-o nga gobernador may hulagon pa ini nga pondo.
Base sa datos sang PSWDO subong nga second quarter may-yara pa sang masobra P5 million para sa AICS, P10 million para sa hospitalization assistance kag masobra sa P500k para sa donation.
Samtang suno kay Maam Agustin nagahulat lang man ang ila talatapan sang referral halin sa governor`s office.
Madumduman nga gin-untat sang Marso 29 subong nga tuig ang paghatag sang ayuda sang provincial government tungod sa implementasyon sang election ban.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
