Governor Fuentes suportado ang EO ni presidente Duterte nga nagaban sa mga travel junkets.

Suportado ni South Cotabato Governor Daisy Avance Fuentes ang executive order nga ginpaggwa ni Presidente Rodrigo Duterte nga nagaban sa mga travel junkets sang mga government officials.
Suno sa gobernadora nga indi man suno pa sila guilty sa mga magastos nga pagbiyahe abroad bangud sa sulod sang 15 ka tuig sini nga pagpungko bilang gobernador sang South Cotabato, makaduha ka bes lamang suno pa ang mga ini nakabyahe kag libre pa.
May-angot sini, ginpahayag ni Fuentes nga bag-o sini pirmahan ang travel order sang mga alkalde, sikyaron na suno pa sini kon bala kwarta sang LGU ang gamiton sa pagbyahe sang mga ini.
Nahibaluan nga ginpirmahan na sang presidente ang executive order nga nagalimita ilabi na sa mga foreign travels sang tanan nga mga government officials, halin sa Executive Branch tubtob sa mga local government officials.
Ini ang kabahin suno pa sang kampanya sang Duterte Administration batok sa korapsyon, apang exempted naman sa EO ang congress kag judiciary.