Sarangani News—Muslim Holiday karong adlawa sa probinsya sa Sarangani sa pagtamod sa adlaw nga natawhan ni Prophet Muhammad. Nagpagawas og kamanduan si Governor Steve Chiongbian Solon nga nagdeklara nga non-working holiday sa LGU isip pagduyog sa Muslim brothers and sisters sa ilang kasaulugan gitawag nga “Maulidin Nabi” kon Birthday of Prophet Muhammad, subay na usab sa Presidential Decree Number 1083 o Code of Muslim Personal Laws of the Philippines og sa Civil Service Commission Resolution Number 81-1277.
Dili man apil ang Sarangani sa Bangsamoro Autonomous Region nga maoy resulta sa balaod nga B.O.L. kon Bangsamoro Organic Law apan nagpadayag sa makausa pa og hugot nga pagsuporta si Governor Solon kauban ang mga kaubanang opisyales, nga unta uyunan sa kadaghanan ang plebisito nga mahitabo sunod tuig.
Tagaan matud pa og tyansa og higayon ang BOL. Siguradong makahatag og malungtaron nga kalinaw og kalambuan sa Sarangani Province ang maayong pagpatuman sa BOL. Segun ni Governor Solon, ang maayong padulngan sa Bangsamoro Autonomous Region ang makapalig-on pa sa lakang karon ni Pangulong Rodrigo Duterte nga ma-implementa ang Pederalismo sa Pilipinas. Gibansagan niini ang BOL nga “spearhead” sa Pederalismo.
Naghulat na lang gani matud pa ang CAR kon Cordillera Administrative Region sa Northern Luzon kay sila pud ang musundog sa nahitabo sa BOL aron matagaan na silag tinuuray nga “self-determination” kon pag-ila isip sila gipuy-an kasagaran sa mga lumad nga Igorot.
