Sarangani Province—Nahimo karong undanon ang mensahe sa Pasko ni Sarangani Governor Steve Chiongbian Solon ngadto sa mga empleyado sa Kapitolyo, og kini ang ma-aplay usab sa tanang katawhan.
Gipadangat sa gobernador ang kamahinungdanon sa “pamilya” rason nga nag-awhag kini nga pahimuslan ang panahon sa Kapaskuhan aron mulig-on pa ang relasyon sa pamilya. Dakog panahon tungod sa daghang bakasyon ang Kapaskuhan maong gamiton matud pa kini aron sa malipayon nga pakig-bonding sa myembro sa pamilya og ang pagpangayog kapasayluan kung adunay nasakitan sa mga kabanay.
Butyag sa opisyal, “the number one unit to a healthy community is the family.”
Ang nasud America, pinaka-powerful na nga nasud sa tibuok kalibutan, apan naningkamot matud pa kini karon pinaagi sa panggamhanan ni Presidente Donald Trump nga mabalik ang values, ang family values, nga anaa unta manukad og mahulma sulod sa panimalay tungod kay kini ang naguba na. Usa matud pa sa mga hinungdan mao ang naandan sa America nga inig tungtong sa pangidaron nga dise-otso (18) anyos ang kinahanglan ng mulayo sa mga ginikanan. May naghilak na gani matud pang magbabalaod, si American Congressman Randy Weber, tungod kay nakahinuklog nga grabe ng kahilayan sa ilang nasud.
Kini ang dili buot mahitabo ni Governor Solon sa Sarangani og sa Pilipinas, hilabi na matud pa nga grabe ang impluwensya sa mga langyaw sa pangisip sa mga Pilipino.
Sa muabutay nga tuig Dos Mil Dise-otso (2018), una ng gibutyag ni Governor Solon nga lauman sa mga katawhan sa Sarangani Province nga doble ang trabahuon sa mga trabahante sa Kapitolyo tungod kay nakalinya na ang mga programa og proyekto gikan sa probinsya og sa nasyonal nga gobyerno sa pakig-alayon nila Senador Manny og Congressman Ruel Pacquiao, Sangguniang Panlalawigan, mga mayores, og ni Pangulong Rodrigo Duterte.
Niaging adlaw nga Byernes, December 15, una pa ang adlaw nga natawhan ni Senador Manny Pacquiao atong December 17, dungan sila Governor Solon og Senador Pacman nga nang-apud apod og pasiuna, pasiuna nga mga bangka, mga fiberglass nga mga pumpboat, alang sa mga mananagat sa Gensan og Sarangani kauban ang BFAR.
(Photo From Web)
