Gin-inspeksyon ni Governor Reynaldo Tamayo sa una nga adlaw nga pagpungko niya sa pwesto kahapon nga adlaw ang South Cotabato Provincial Hospital kag nakit-an sini ang problema sa balay bululngan kapareho sang guba nga CR,kisame, guba nga elevator kagutok sang mga pasyenti nga yara sa alley, ang construction sang bag-o nga building kag ang sa bahin sang paywing nga indi maayo ang pagconstruct.
May-angot sini, dismayado ang gobernador sa nadiskubrihan sini sa nasambit nga balay bululngan kag napabay-an suno sa iya ang ang sitwasyon sa Provincial Hospital.
Sa iya paglibot ginsiguro sini sa mga pasyente nga wala sila sang bayran sa ila nga bill basta maproseso lamang ang ila nga Philhealth kag excess sa balayran.
Ginsiguro naman ni Governor Tamayo nga pangitaan niya sang pamaagi nga maadress ang nakit-an nga mga problema sa bahin sang South Cotabato Provincial Hospital.
Lauman nga magalibot si Governor Tamayo sa iban pa nga government hospital sa idalom sang Provincial Government sang South Cotabato.
