Gilayon niya nga gindeklarar ang suspension sang trabaho sang mga empleyado sang Provincial Government suno kay South Cotabato Governor Reynaldo Tamayo Jr., matapos ang pag-igo sang 6.6 magnitude nga linog sa diin nabatyagan ang intensity 6 dire sa syudad sang Koronadal kahapon nga adlaw tungod sa mga nabatyagan pa nga aftershocks.
Apang padayon nga nagtrabaho kahapon nga adlaw ang yara sa Provincial Engineering, PDRRMO kag Medical team kag magaresume subong nga adlaw ang trabaho sang mga empleyado kon wala na sang matabo nga mabaskog pa nga linog.
Suno kay Governor Reynaldo Tamayo ginmando niya man ang pagpatigayon sang assessment sa mga building sang provincial government lakip na South Cotabato Provincial
Hospital matapos nga nakit-an nga safe ginpabalik man ang mga pasyenti sa balay balulngan.
Samtang kon ang may-angot sa Protech Center nga nakitaan sang danyos suno kay Governor Tamayo ireview pa nila ang findings sang Provincial Engineering Office para sa himuon nga desisyon.
May-angot sini, ginaapela ni Governor Tamayo sa mga pumuluyo nga ipatuman gid ang natun-an sa ginapatigayon nga earthquake drill kag indi magpanic agud malikawan ang iban pa nga insidente nga matabo sa tion sang linog.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
