Governor Tamayo ginhingyo ang suporta sang tanan sa kampanya kontra druga, drug cleared province target.

Target nila suno kay Governor Reynaldo Tamayo Jr. nga mangin drug cleared ang bug-os nga probinsya sang South Cotabato matapos nga duha na ka mga banwa ang nadeklarar sang drug cleared.
Naagalaum man siya nga bag-o pa man ang bulan sang Disyembre makasubmitir na ang walo ka mga barangay sa probinsya sang drug clearing requirements.
May-angot sini, ginahingyo ni Governor Tamayo ang kooperasyon sang tanan agud nga maaddress ang problema sa illegal drugs sa probinsya.
Nahibaluan nga sa South Cotabato ang banwa na sang Surallah kag Tantangan ang gindeklarar sang PDEA nga drug cleared municipality subong nga tuig.