Ginmanduan na ni South Cotabato Governor Reynaldo Tamayo Jr., kahapon nga adlaw ang pamunuan sang Provincial Agriculture Office nga iplastar na ang measures nga ipatuman sa himuon nga procurement program sa produkto nga palay sang mga mangunguma sa probinsya nga sila ang direkta nga makaavail.
Ginapaplastar sini ang identification number sang mga mangunguma, kon pila ka ektarya ang ila ginauma kag posible pila kasako ang maharvest agud nga indi makalusot suno pa ang mga middleman.
Ang nasambit nga tikang sang provincial government ang tungod sa pagsarurot sang buying price sang palay epekto sang rice tarrification law.
May-angot sini, sa masunod nga bulan suno sa gobernador indi na magbakal sa gwa sang bugas ang provincial government para sa intervention kapareho sang PDRRMO kag iban pa nga opisina tungod mamakal naman ang lokal nga panggobyerno sang produkto nga palay sang mga mangunguma sa presyo nga P22 tubtob P23 kada kilo.
