Nakaangkon lamang sang mild symptoms kag yara na sa maayo nga kondisyon ang anum ka mga empleyado sang provincial government sang South Cotabato nga nalatnan sang coronavirus disease ukon COVID-19 kag subong man si Governor Reynaldo Tamayo Jr. Ini ang kumpirmasyon ni Provincial Health Officer Dr. Rogelio Aturdido Jr.
Suno kay Dr. Aturdido ang mga ini ang nakabatyag sang pagsakit sang ulo, ubo kag sip-on nga nagapabilin sa isolation facility.
Ginpatigayon naman ang contact tracing sa posible naclose contact sang mga empleyado sang provincial government nga positibo sa COVID-19.
Gin-advice naman ni Dr. Aturdido sa mga empleyado sang provincial government nga sundon ang administrative order sang gobernador angot sa COVID-19 prevention sa mga talatapan.
Nagaapela man si Dr. Aturdido sa mga pumuluyo sang probinsya nga indi pa mangin kampante kag padayon ang paghalong batok COVID-19 paagi sa pagsunod sa mga minimum health standards.
