Magadeklarar siya sang isa ka ospital dire sa probinsya sang South Cotabato suno kay Governor Reynaldo Tamayo Jr. nga himuon nga quarantine hospital nga magaakumudar lamang sang pasyenti nga COVID related case.
Samtang ang medical society group suno pa ang magdeploy man sang ila nga tawo lakip na ang tawo halin sa government hospital nga amo ang magdumala sang nasambit nga pasilidad.
May-angot sini, ginahingyo ni Governor Tamayo ang katawhan nga magkooperar sa ginapatuman sa subong nga precautionary measures base sa ginpapanaug nga executive order nga magpatuman sang home quarantine kon wala sang imporante nga transaction.
Ginaapela niya man sa mga pumuluyo nga indi magpanic kadungan sang ginapatuman nga provincewide lockdown tungod bukas man ang mga merkado, supermarkets, groceries kag pharmacy.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
