Governor Tamayo nagalaum nga mahatagan sang patas nga infrastructure projects ang tatlo ka mga banwa sa South Cotabato matapos nga mapaiway ang special election.

Nasayangan siya suno kay South Cotabato Governor Reynaldo Tamayo Jr., sa pondo nga magakadto kuntani sa tatlo lang ka mga banwa sa probinsya nga ginalakipan sang Polomolok, Tupi kag Tampakan kon madayon kuntani sa Oktubre 26 subong nga tuig ang special election sa first district.
Apang suno sa gobernador wala sila sang mahimo kundi sundon ang desisyon sang Korte Suprema nga pagpaiway sang special election kag iproklamar si former Gensan Vice Mayor Shirlyn Bañas bilang house of representative sang first district lakip na General Santos City.
Samtang, nagalaum si Governor Tamayo nga mangin patas ang paghatag sang pondo ukon infrastructure projects ni Congressman Bañas sa mga banwa sang Tampakan, Tupi kag Polomolok kag indi lang tanan ibubo sa General Santos City.
Nahibaluan nga gindeny man sang Korte Suprema ang ginfile nga motion for intervention sang kampo ni Former Polomolok Mayor Isidro Lumayag nga nagaisahanon nga kandidato sa first district.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>