Nagapati si South Cotabato Governor Reynaldo Tamayo Jr., nga indi konektado ang kamatayon sang duha ka provincial security unit members nga pareho man anay jailguard kag ginreassign lang sa nasambit nga talatapan.
Suno sa gobernador ini tungod napatay si Alfredo Polido Jr. anay jailguard kag ginreassign sa Polomolok District Hospital nga kumbinsido man sa report sang PNP nga napatay sa ginpatigayon nila nga drug buy bust operation upod ang PDEA 12 sang Oktubre 7 sang hapon matapos nga nagbato ini tungod may mga nakuha man suno pa nga ebidensya.
Samtang ang isa ka PSU member ang gintiro sa sulod mismo sang iya nga salakyan sang Oktubre 6 sang aga.
May-angot sini, ginpasikyar niya man suno kay Governor Tamayo kon nakapaidalom sa drug test si Polido matapos nga may-yara siya sang kamanduan sadto anay nga ipaidalom sa drug testing ang mga empleyado.
Advice niya naman sa mga empleyado sang provincial government nga indi gid mag-imbolber sa ilegal nga buluhaton.
