Governor Tamayo nagpaggwa sang Executive Order angot sa pagprebentar lapta sang COVID-19, ipatigayon nga womens congress subong nga adlaw ipaiway.

Nagpaggwa sang executive order si South Cotabato Governor Reynaldo Tamayo Jr., nga nagamando sa tanan nga mga LGU`s kag mga government offices sa probinsya nga maghimo sang tikang sa pagprebentar lapta sang coronavirus disease 2019 ukon COVID-19 base naman sa deklarasyon sang State of Public Health Emergency.
Nabalhag sa nasambit nga EO ang pagpaiway sang mass gatherings and activities sang mga local government units, private organizations, business establishments kag iban pa.
Lakip man dire ang paghangkat sa mga mga eskwelahan nga ipaiway ang graduation, apang magasunod lamang suno pa ang probinsya sa official advisory sang Department of Education kag Commission on Higher Education.
Tanan nga mga LGU`s suno pa ang kinahanglan nga magpatuman sang regular disinfection kag ang mga empleyado sang mga LGU`s ang i-bananay ang pagbaton sang personal visitors kag ang pahanugutan lamang suno pa ang may-yara sang transaction.
Sa public places kapareho sang resorts, restaurants, bangko, hotels, hospitals, simbahan, public market, transportation hubs, recreational areas kag iban pa ang ginaadvice man nga magpatigayon sang daily dis-infection protocols.
May-angot sini, wala nadayon kahapn nga adlaw, suno kay Provincial Population Officer Zenaida Duron ang ipatigayon nga Women`s Congress nga yara sa masobra isa ka libo nga mga kababainhan halin sa syudad sang Koronadal kag 10 ka mga banwa ang magatipon kuntani sa South Cotabato Gymnasium bilang kabahin sang womens month celebration tungod sa ginpapanaug nga executive order ni Governor Tamayo.
Suno sa iya ang mga gin-order nga pagkaon ang ginhatag na lang nila sa mga inmates nga babaye sang South Cotabato Provincial Jail kag sa iban pa nga naidentify.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>