Governor Tamayo nagpaggwa sang memorandum sa mga alkalde sa South Cotabato angot sa paghimo sang tikang batok ASF.

Nagpaggwa sang memorandum si South Cotabato Governor Reynaldo Tamayo Jr., sa mga alkalde dire sa probinsya nga mag-implementar sang nagakaigo nga preventive measures sa ila tagsa ka mga area of jurisdiction kag magcoordinate sa mga concern nga ahensya kag masubmitir sa iya nga talatapan angot sa nahimo nga tikang.
Ang nasambit nga tikang sang gobernador ang suno pa tungod sa suspected cases sang African Swine Fever sa Koronadal City.
Samtang suno kay Governor Tamayo wala pa sang dapat pa nga ikaalarma ang mga pumuluyo tungod subject pa sa validation kag kumpirmasyon matapos nga ginpadala pa ang sample sa Manila para sa eksaminasyon sang mga baboy nga nagbalatian .
Dugang pa sang gobernador nga mas maayo nga nakahanda kag may tikang nga ginhimo tungod naman sa kaso sang ASF nga narekord sa Don Marcelino Davao Occidental.
May-angot sini, bilang pagtuman sa memorandum sang gobernador nagpatuman sang lockdown sa pagpasulod sang baboy kag processed foods ang mga banwa sang T`boli, Tampakan kag Tupi.