El govierno local na encavesamiento del alcalde Beng Climaco-Salazar ta continua el forecimiento del gma ayuda con el mga vivientes que ya queda victima del siguiditos Avenida na ciudad de Zamboanga.
Desfues declara el State of Calamity ayer na entero ciudad, insiguidas el govierno na menya y mobiliza el de este mga resources para alcansa el necesaryo ayuda con mga afectao vivientes.
Primero ya endereza el grupo para na Barangay San Jose Gusu, Baliwasan, y para na Licomo donde manada mga evacuantes el ta esta y ta spera lang el ayuda del govierno local.
Si ta acorda, ya alcansa na 3,666 familia con 18,330 individual desdel 18 barangays el ya sale afectao. Syete el ya muri, 158 casa ya destrosa, 327 partially damaged.
Asegun con el alcalde Climaco, uno por uno sila anda visita contodol mga barangay afectao y llevla el necesaryo ayuda, mientras hay conduci Tambien el calamity assessment el mga ofisina del Agricultura y Inhinyero del ciudad por el mga destroso na mga proyekto y la vida del mga vivientes afectao na mensyonao calamidad. – *Bhong Simbajon/RMN News*
