Gov’t agencies magtapok ugmang adlawa alang sa ipahigayon nga transport strike

15

Davao City- Gikatakdang mag convene ugmang adlawa ang mga hingtungdan sa buhatan sa lokal nga kagamhanan ug mga nasudnong ahensya aron pangandaman ang ikasang transport strike sunod semana.

Sumala ni CTTMO Chief Dionisio Abude nga iya nang nadawat ang direktiba gikan sa operations section sa Public Safety and Security Command Center, aron ugmang adlawa magtagbo ang LTFRB, DCPO, TFD aron pangandaman nga mahimong hapsay ang ipahigayon nga lihok protesta karong adlawng Lunes.

Matud ni Abude nga iyang irekomendar nga tutokan ang mga influence areas sama Bankerohan, Bajada ug Matina Crossing nga maoy tapukan sa mga nagprotestang sektor sa transportasyon ug ang ilang mga kaalyadong militant organization.

Giklaro ni Abude nga angay ideploy ang mga personahe sa CTTMO ug pulis sa mga areas aron dili maharas kadtong mga puj driver nga dili muduyog sa nationwide transport strike nga pangunahan sa tranmision piston.

RadyoMan Erin Lumosbog

Facebook Comments