Davao City – Adunay pagpaklaro ang Department of Health, Department of Interior and Local Government ug Department of Tourism kalabot sa mga public gatherings nga ilahang giisyu niadtong Pebrero 7.
Gitin-aw pinaagi Joint Statement nga gipagula sa mga ahensya nga luwas nga magpahigayon ug mutambong ang publiko sa mga gatherings, meetings ug festivals basta himuon lamang ang mga precautionary measures nga gisulti sa DOH.
Nagpahimangno ang DOH sa general public nga kanunayon ang panghunaw sa kamot, mukonsulta gilayon og doktor kung adunay sintomas sa ubo, sipon, sore throat ug kalintura batok kini Covid 19.
Matud pa ang maong guidelines sa paghandle sa mga guests sa tourism enterprise atol sa global emergency giimplementar na sa mga hotels ug mga resorts dinhi sa nasud una pa man ang giluwatang travel ban.
Ang mga pasilidad usab equipped sa mga infrared thermometer ug hand sanitizers.
Dugang niini gibutyag sa concerned agencies nga nagpabiling prioridad sa Philippines govt. ang safety sa publiko ilabina mga turista ug empleyado sa tourism sector.
RadyoMaN Aimee Guinita
