Davao City – Gikustodiya na karon sa mga otoridad ang usa ka empleyado sa gobyerno ug High-Value Individual – Regional Target atol sa gikasang buy-bust operation sa Philippine Drug Enforcement Agency (PDEA)-XI ug Provincial Drug Enforcement Unit Davao del Sur Police Provincial Office, November 12, 2025 (Miyerkules) sa Purok 6, Brgy. Poblacion, Hagonoy, Davao del Sur.
Sa report nga nadawat sa DXDC RMN Davao gikan sa PDEA-XI, giila ang suspek nga si alyas “Ren-ren”, 39 anyos, minyo, ug residente sa nasangpit nga lugar.
Nakuha gikan sa dinakpan ang tulo ka sachet sa gidudahang shabu nga gibana-banaang mutimbang sa 15 grams ug mukantidad ngadto ₱102,000.
Sa Facebook video nga kuha ni Michael Lape, samtang ginapahigayon ang maong operasyon, makita nga ginasulayan pa og depensa sa opisyal nga gisuksok lamang sa iyang bulsa ang maong droga.
Mag-atubang karon ang suspek sa kasong paglapas sa Republic Act 9165 kun Comprehensive Dangerous Drugs Act of 2002.
RadyoMaN Leo Battulayan
Facebook Comments
