Davao City – Angay lamang nga manguna sa pagpabakuna batok Coronavirus Disease 2019 (COVID-19) ang mga empleyado sa gobyerno.
Kini human nga gihimo nang mandatory ang vaccination sa City Government of Davao employees diin nagbaton na kini og deadline hangtud sa Nobyembre 30, 2021 nga ma-fully vaccinate tanang trabahante subay sa Executive Order (EO) No. 15 Series of 2021.
Sa interbyu sa DXDC RMN Davao Kapitan Allan Simo-ag sa Barangay Lasang, gisulti niini nga isip trabahante sa gobyerno, kinahanglan nga mapakita niining seryoso ang panggamhanan sa kampanya batok COVID-19.
“Ako, personally, as a government worker, tama ang gibuhat sa gobyerno (mandatory vaccination) kay unang-una, kita nga mga trabahante sa gobyerno, kita ang una nga ginalantaw sa mga tao sa komunidad. Kampanya na siya sa gobyerno tungod kay ginalantaw sa gobyerno nga mao nay dapat nato nga buhaton,” sulti ni Simo-ag.
Sa hisgutanang diskriminasyon ang maong direktiba, giluwatan sa kapitan nga ilawom sa ‘State of Emergency’ tungod sa pandemya, adunay katungod ang gobyerno nga mupatuman og mga ‘measures’ nga mas makaayo sa publiko labi na sa paghatag proteksyon batok sa COVID-19.
Hinuon, sa EO, exempted sa mandatory vaccination ang mga empleyado nga gi-endorso sa Vaccine Cluster Head ngadto sa Human Resource Managament Office (HRMO) tungod sa medical reasons ug dili pwedeng mabakunahan sa ‘available’ nga mga brand sa bakuna.
RadyoMaN Kirby Manzon
