Davao City – Giangkon karon ni Department of Interior and Local Government (DILG-XI) Regional Director Alex Roldan nga tuig 2016 pa niya nadunggan ang Kabus Padatoon (KAPA) Community Ministry International Incorporated nga nag-operate sa Tagum City apan wala lamang niya kini tagda sa pagtoo nga binuang lamang kadtong tanan.
Matud ni Roldan, naamguhan na lamang sa tanan nga anaa na ang KAPA ug uban pang mga investment schemes nga nagasaad ug daku-daku nga ‘return of investment.’
Dugang ni Roldan nga iyang gikatingala nganong gitugotan sa mga LGUs ang operasyon sa Kapa ug ang ubang mga investment schemes nga unta iligal man ang maong mga iskema sa panalapi.
Gumikan niini, gitun-an na karon sa DILG-XI ang lakang nga puwede nilang buhaton batok sa mga LGUs kinsa naghatag og business permits sa nasangpit nga mga financial schemes.
Aminado si Roldan nga daghan sa mga empleyado sa kagamhanan ang nag-invest diin nag-unang rason mao ang problema sa panalapi hinungdan nga mogunit na lamang sa mahait nga kutsilyo ang tawo gumikan sa pangandoy nga makabenepisyo.
Ang mga empleyado ug mga opisyal nga makumpirmang miapil sa investment ug bulgar nga nagabatikos sa gobyerno tungod sa gihimong aksyonadunaydakung puruhon nga ma-terminate sa trabaho kon di man mo-decidir voluntarily nga mo-resign sa pwesto.
Nagbahad si Roldan nga ilang gamiton ang mga ebidinsiya sama sa mga dili maayong mensahe nga nabutang diha sa Facebook sa mga empleyado sa gobyernong naka-invest.
Tambag usab ni Roldan ngadto sa mga trabahante sa gobyerno nga mas maayong magpatudlo og financial literacy o dili ba kaha muhawa na lamang sa trabaho.
RadyoMaN Joel Viray
