Davao City – Gimugna kagabii ang three-man committee aron sulbaron ang panagbangi sa gobyerno ug Simbahang Katoliko.
Kini maoy gibutyag ni Presidential Spokesman Harry Roque atol sa gipahigayong presser karong adlawa dinhi sa dakbayan subay sa nahitabong pagburuka tali sa presidente ug sa Simbahang Katoliko.
“Inaanunsyo ko po na tinalaga po ng inyong Presidente ang inyong abang lingkod kasama po si Boy Saycon at si USec Ernie Abella para maging kumite na makikipag-usap at makikipag dayalogo po hindi lang sa simbahang katolika kundi po sa lahat ng grupo na nais magkaroon ng dayalogo sa panig po ng gobyerno.”
Sumala ni Roque nga tumong sa dayalogo mao nga makunhuran ang panagbangi sa duha ka mga estado ingon man paghusay sa mga isyu nga kaniadto pa angay hisgutan.
Dugang sa tigpamaba sa presidente, pormal niya nga i-contact ang CBCP ugmang adlawa alang sa schedule sa maong dayalogo.
Kahinumdoman nga nahimong kontrobersyal ang usa sa pamahayag ni Pres. Duterte atol sa iyang pagtambong sa oath taking ceremony sa mga newly-elected barangay ug Sangguniang Kabataan sa Cagayan de Oro.
RadyoMaN Jason Amisola
