Ang kawad-on sa libro sa mga grade 1 pupils maoy resulta sa pag-usab sa sistema sa edukasyun gikan sa old system ug sa bag-ong K TO 12 program.
Kini ang gipatin-aw ni Assistant Secretray Tonisito Tumale, sa Department of Education, human na diskubre sa RMN DXBC ang kawad-un sa libro sa mga grade 1 pupils sa halos tanan nga mga public schools.
Sumala pa ni Tumale, taas kaayo ang proseso sa pag-gama ug libro, ug mokapin sa tuig ang pag himo niini adiser kini ma deliver ngadto na sa mga public schools.
Angay masayran nga unang nadiskubre ang kakulang sa kawad-on sa libro sa may Bading Elementary School, ug mismong principal ang mikumpirma nga gasalig lamang sa internet ang mga teachers alang sa ilang instructional materials.
Lakip sa mga nag-unang central school sa Butuan ang nakatagamtam usab sa susamang problema sa libro.
Gumikan kay internet paga-kuhaon ang mga instructional materials, gimulo karun sa mga ginikanan ang balayrunon sa Xerox copy.
Sa pikas bahin, Giklaru ni DEPED Sec. Leonor Briones nga wala naapas sa publisher sa mga textbooks ang pag-imprinta sa mga libro hinungdan nga hangtud karon walay textbooks ang mga grade 1 pupils sa dakbayan sa Butuan ug sa ubang parti sa rehiyon sa Caraga.
Sa eksklusibong interview sa RMN DXBC Butuan kang Sec. Briones, gipasabot niini nga nagmando na siya sa tanang mga division superintendents ug school principals nga magahin ug pundo gikan sa ilang Maintenance and Other Operating Expenses (MOOE) aron mag-download ug instructional materials diha sa internet ug mag-printa aron ipanghatag sa mga kabataan.
Gipaniguru ni Sec. Briones nga sunod tuig hayan nga makumpleto na ang mga textbooks nga ipanghatag sa mga tinun-an.
