Nasapwan na lang nga wala na sang kabuhi ang isa ka Grade 10 nga estudyante nga nakabitay, matapos nga naghikog sa Purok Lovers, Barangay Ambalgan, Sto Niño, South Cotabato.
Ginkilala ni P/Senior Inspector Sherwin Panaguiton, Hepe sang Sto. Niño MPS ang biktima kay Jerome Alquiza, 16-anyos, Grade 10 student kag residente sang nasambit nga lugar.
Gamit sang nasambit nga estudyante sa pagkomitir sang suicide ang lubid nga ginhigot sa iya leog.
Naggwa suno pa sa ila imbestigasyon nga masami nga nagaisahanon ang biktima kag wala sang madamo nga abyan sa sulod sang iya eskwelahan.
Dugang pa sang opisyal, bag-o pa naghikog ang biktima nagbilin pa ini sang suicide note nga luyag na sini tapuson ang iya kabuhi.
Sa subong suno kay Panaguiton, depression ang nakita nila nga motibo sa insidente ilabi na sa kahintangan sang biktima nga wala sa iya luyo ang ginikanan bangud OFW ang iya iloy kag nagaubra sa peryahan ang iya amay sa diin yara ini sa paghinakop sang iya nga lola.
Samtang gindula man sini ang alegasyon nga bullying ang motibo sa paghikog sang biktima sang iya sini mga classmate.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
