Davao City – Naligsan ang usa ka menor de edad nga Grade 10 student sa dihang matud pa nga wala makabantay ang driver ug wala usab miagi sa designated pedestrian lane.
Gitabang gilayon sa driver sa Toyota hilux bearing plate number NOA 912 nga giilang si Henry Carandang, 49 anyos sa dihang nabanggaan niya si Alyas Maymay, 16 anyos ug taga Davao City sa may dalang Ponciano bandang alas 7:30 kagabii.
Nakurat na lamang ang driver sa kotse nga nabanggaan niya ang maong menor de edad diin wala siya makabantay nga mitabok kini gani nasayran nga wala kini misubay sa pedestrian lane.
Nakahiagum og injury ang maong estudyante sa iyang walang bahin nga bukton.
Hinoon daling gitabang ang estudyante ug gidala gilayon sa Davao Doctors Hospital aron kini matambalan ug ipasubay ang xray laboratory niini og dunay bay fracture sa iyang bukton.
Mipasalig sa ug giabaga sa tag iya sa kotse ang tanan galastuhon sa hospital nga magamit sa biktima.
RadyoMaN Paul Canono
