Grade 4 student, patay matapos nga nalumos sa suba sa Banga, South Cotabato.

25

Wala na sang kabuhi ang grade 4 student nga residente sang Sitio Ofong, Brgy. San Vicente, Banga,South Cotabato, matapos nga nalumos sa Sitio Valencia, Brgy. San Vicente sa nasambit nga banwa, kahapon nga adlaw Pebrero 15, 2021.
Sa imbestigasyon sang Banga MPS, alas 12:00 sang udto kahapon nga adlaw ang biktima kag duha ka mga abyan sini nga babaye ang nagpadulong sa suba sa Sitio Valencia, Brgy San Vicente agud nga maligo. Apang nakakadto sa madalom nga parte sang suba ang biktima nga nangin kabangdanan sang pagkalumos sini.
May-angot sini, nagpauli ang duha ka mga kaupod sang biktima kag nagpangayo sang bulig kag alas 2:00 na sang hapon sa amo nga adlaw nakit-an ang bangkay sang biktima.
Gindala pa sa South Cotabato Provincial Hospitalang biktima, apang gindeklarar nga Dead On arrival (DOA) sang attending Physician.

Facebook Comments