Missing pa gihapon hangtud karon ang 15 anyos nga lalaki nga gituklod sa iyang kauban ug nahagbong sa Agusan river, alas 2 kapin kon kulang kagahapon. Giila ang biktima nga si Jericho Agravante, 15 anyos, usa ka Grade 8 pupil sa Agusan National High School ug residenti sa brgy. Pagatpatan ning syudad sa Butuan.
Nasayran nga nagdula ang biktima kauban sa iyang mga higala kilid sa Agusan river, apan kalit lang kining gituklod sa usa ka “Carlo”, 18 anyos maong nahagbong ang biktima sa Agusan river.
Tungod sa kakusog sa bul-og sa suba, wala na makatunga ang biktima kinsa giingung dili kabalo molangoy ug katapusan kining nakita nga nagkaway-kaway sa iyang kamot timaan nga nangayo ug pakitabang apan pila ka minuto ang milabay na-unlod na kini sa tubig.
Daling naglusad ug rescue operation ang Phil. Coast Guard apan pakyas nga naluwas ang biktima ug hangtud karon na-missing pa kini. Tungod niini, tumang kaguol ang gibati sa pamilya sa maong 15 anyos nga biktima.
Ctto: abs cbn
Sent from my Samsung Galaxy smartphone.
