General Santos City—Gikwestyon ni Police Lieutenant Colonel Samuel Cadungon ang Deputy City Director For Administration sa General Santos City Police Office ang nahimong grado ni City Councilor Atty. Jeng Gacal sa ilang nahimong performance sa tuig 2019.
Sumala pa niini nga wala sila nasayod kung unsa ang gibasihan sa konsehal sa iyahang paghatag ug grado ngadto sa GSCPO.
Gihingusgan sa opisyal nga basi sa ilahang datus nahimong nindot ang ilahang performance sa tanang aspeto sa pagpamusil niadtong milabay nga adlaw apan gipaklaro usab niini nga girespeto nila ang nahimong pag tan-aw sa konsehal tungod kay mao kini ang iyang pagtuo.
Dugang pa ni Police Lt. Col. Cadungon nga sa mga nahitabo nga shooting incident sa syudad, kadaghanan matud pa personal grudges ang motibo niini ug aduna na silay mga suspect diin uban niini ang napasakaan na ug kaso.
Nagtuo usab kini nga posibleng dili sakto ang datus ug impormasyon nga nakaabot sa konsehal mao nga gihatagan sila ug 70 nga grado, apan gipaklaro ni Cadungon nga ang mas nasayod sa sakto nga datus ug impormnasyon sa mga accomplishment ug panghitabo sa peace and order sa syudad mao ang committee chairman sa peace and order sa konseho.
Samtang gipasiatab usab ni Lt/C Cadungon nga sa milabay nga tuig dako ang gitaas sa crime solution efficiency sa sa GSCPO hinungdan nga wala siya nasayod kung unsay gibasehan ni Kagawad Jeng Gacal ang iyahang paghatag ug grado.(Dave Silagan)
