Graduating nursing student sang University of San Agustin, patay sa aksidente kaina sang aga sa Mandurriao. 6 sini ka kaupdanan pilason.

30502

Patay gid si Peter Anthony Blancaver, 19 anyos, residente sang Pilar Capiz kag graduating nursing student sang University of San Agustin samtang pilason ang 6 sini ka kaupdanan matapos maaksidente ala 1:30 kaina sang kaagahon sa Barangay Guzman jesena, Mandurriao.
Suno sa imbestigasyon ni PO2 Louie Alilano, traffic investigator sang Mandurriao PNP nga halin sa birthday party sang ila nga classmate sa Barangay Hibao-an, Mandurriao.
Hinali lang nag overtake ang driver sang ila gina sakyan nga Chevrolet Sedan nga si Rundy Monsale Jr, 20 anyos kag residente sang Barangay Baybay Sur, Miag-ao, Iloilo sa isa ka salakyan kag naalangan kabangdanan nga gin lubag sini todo ang manibela sang salakyan kag naka bunggo sa puno sa kilid sang dalan.

Nakaagom sang kapilasan sa ila lawas ang mga sakay sini nga sanday Saint John Zerrudo, 19 anyos kag residente sang Sto. Rosario Duran, City Proper kag si Benz Ryan Blancia, 20 anyos sang Tibiao, Antique samtang nakaagom naman sang pag palanakit sang kalawasan sanday Marko Dumarao, 20 anyos sang San Juan, Molo, Jaro Ricamonte, 21 anyos sang Molo kag Jeovien Bacuyani 19 anyos sang Buenavista, Guimaras.

Paga pangatubang naman sang kaso nga Reckless Imprudence resulting in Homicides, Multiple physical injuries kag damage to properties ang driver.

Facebook Comments