Graduating student, gin-aaligar naghikog

TACLOBAN CITY – Malipayon pa nga tumambong han pictorial para han graduation photo an usa nga senior high school student han Sta. Fe, Leyte pero nakit-an nala an patay nga lawas hini ha iya kwarto kanina han aga, March 3.

Gamit an pisi, gin-aaligar naghikog an 19 anyos nga lalaki.

Ha impormasyon nga nahikay han RMN, pirmi daw malipayon ini nga lalaki ha iya mga kasangkayan, sanglit napa-usa hira nga magpapakamatay ini.


Ginsumat gihapon han mga kasangkayan hini nga mayada financial problem an 19 anyos nga iginsusumat gihapon ini niya ha iya mga kasangkayan.

Mahilig daw gihap magpinansamad ha iya kalugaringon ini nga lalaki nga baga hin naghuhulga nga papatayon an iya kalugaringon.

“Sige la, kaya ko ini girl” – an sumat hini nga 19 anyos ha iya mga kasangkayan han magsumat hiya nga may financial problem hiya.

Iya tatay la an iya kaupod ha ira panimalay tungod nga adto ha Manila an iya nanay magtatrabaho. Waray gihap stable nga trabaho an iya tatay.

Padayon nga gin-iimbistigaran han mga kapulisan ini nga insidente.

Facebook Comments