Davao City – Nakuha ang kapin P500K kantidad nga shabu atol sa gilusad nga drug buy bust operation sa Talomo PNP.
Supek mao si Allain Robinson Quesada, 41 anyos, liason officer, taga-Bangkal, Davao City.
Sumala sa report sa Talomo Police Station, unang nadakpan ang kauban niini nga si alyas Jong Jong, niadtong Domingo sa gabii ug nakuhaan og shabu nga dunay kantidad kapin tunga sa milyon ka pesos ug long arm shotgun sa dihang gilusad sa Talomo PNP, ang drug bust operation sa GSIS Subd., Matina, syudad sa Davao.
Sumala ni PLt.Col. Ronald Lao Talomo PNP Chief, usa ka semana ang ilang pagpaniid sa mga suspek una pa kini nadakpan sa managlahing lugar.
Nakuha gikan kang Quesada ang P480,000.00 nga kantidad sa shabu.
Matud ni Lao, nadakpan na nila kini kaniadto sa susama gihapong kaso.
RadyoMaN Paul Canono
