Ginapahanumdom ni South Cotabato Schools Division Supt. Isagani dela Cruz ang mga manunudlo kag subong man ang mga ginikanan sang Dep. Ed. Order no. 6 series of 2018 nga nagasiling nga himuon nga mangin simple, meaningful kag indi magasto ang nagahilapit nga moving-up kag graduation ceremonies sang mga kabataan ilabi na nga pinakauna nga matabo nga may graduation na sa Senior High School.
Suno kay Sir Dela Cruz ginadiscourage nila ang pagpanukot sang mga ginikanan sang mga kabataan para sa moving-up kag graduation ceremonies tungod may-yara man sang Maintenance and Other Operating Expenses nga sarang magamit.
Apang kon may-yara man sang nakasugtan nga contribution ang mga ginikananan dapat seguraduhon suno pa sang Parents Teachers Association ukon PTA nga wala sang may magreklamo sa ila nga level nga mapalab-ot sa talatapan.
Ipatigayon ang moving-up kag graduation ceremonies sa mga public schools umpisa sa Abril 2 subong nga tuig.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
