Davao City – Ang kalangay sa National Food Authority sa pag-import og bugas gikan sa silingang mga nasud sa Asya magresulta sa kakulang sa suplay sa bugas sa dinhi sa nasud sa Pilipinas.
Mas musamot pa ang kakulang sa suplay sa bugas sa Pilipinas kung madelatar pa gyod ang paghidangat sa nilibong sako sa bugas nga gi-angkat gikan sa ubag kanasuran sama sa Vietnam ug Thailand.
Ang kakulang sa suplay sa bugas karon maoy nahimong taytayan aron musaka og maayo ang presyo sa matag kilo sa bugas karon nga nagpayaya’y sa kahimtang sa yanong lungsoranon karon.
Tungod sa kawad-on sa igong suplay sa bugas sa nasud karon daku ang posibilidad nga limitahan sa gobyerno ang pagbaligya og NFA rice ngadto sa matag pamilya.
Sa mao nga pangagpas dili layo ang posibilidad nga mag panic buying ang mga tawo hatud sa kagamay sa suplay sa bugas karong panahona.
Nabalaka karon si Akbayan Party List Representative Tom Villarin nga basin mas musamot pa ang posibleng panic buying sa katawhan karon nga gikuso-kuso sa bagyong Ompong sa pipila ka bahin sa Luzon area.
Busa panawagan ni Villarin sa kasamtangang kagamhanan nga paspasan ang pag-angat og bugas gikan sa ubang nasud aron malikayan ang gikabalak-an nga panic buying sa katawhan.
RadyoMaN Joel Viray
