General Santos City—Ginasuta pa karon sa Police Station 3 kung asa gikan ang granadang nakaplagan sa basurahan sa may Yumang Street, Purok 4, Barangay Lagao, Gensan alas 10 ang takna niadtong nakalabayng adlaw.
Nasayran nga usa ka sikad driver nga si Arnold Gonzales ang nakamatikod sa usa ka iro nga adunay gingatngat sa basurahan mao nga iyang gisuta, apan nakurat nalang kini gumikan Granada diay ang gipaak sa maong iro.
Gilayong misumbong ang nasampit sa mga otoridad kansa girespondihan gilayon sa EOD team sa Gensan City Police Office.
Subay sa pagsuta sa OED, gitaya na ang safety pin sa maong Granada timailhan nga karaan na kini. Sa karon ang maong Granada anaa na sa kustudiya sa EOD Team sa Camp Firmen Lira.
Facebook Comments
