South Cotabato – usa ka fragmentation grenade ang nakit-an sa kanal sa Purok Quirino, Barangay Talahik, Surallah, South Cotabato niadtong nakalabyang adlaw.
Usa ka residenti sa maong lugar nga si Freddie Germo ang nakakita sa maong Granada samtang kini anaa sa kanal sa Padernal Farm.
Gilayon nga midangop sa Surallah PNP si Germo aron nga masuta ang maong eksplosibo, gilayon man usab nga miresponsi ang South Cotabato Explosive Ordnance Division Team didto sa lugar.
Sa inisyal nga imbistigasyon posibling gibilin sa wala pa mailhing suspetsado ang Granada sa kanal o posibling kini naanod ug nasangit lang sa maong lugar.
Sa kasamtangan naghimo nag makuting imbistigasyon ang Surallah PNP kalabutan sa insidenti samtang ang narekober nga Granada anaa na karon sa kustudiya sa South Cotabato EOD.
