Kumalarang, Zamboanga del Sur – Wala makatiwas sa iyang ang pagpanghinlo sa usa ka 55-anyos nga Day Care Worker dihang napalgan niya ang usa ka Granada sa Barangay Boyugan East, Kumalarang, Zamboanga del Sur alas 11:00 kagahapon sa buntag.
Dali nga nangayo og tabang ngadto sa kapulisan si Marina Piang Tambor, dihang nakalkalan niya ang Granada sa tugkaran sa Verme Compose House.
Sa pagresponde sa tropa sa Kumalarang Municipal Police Station sa pagpanguna ni PMAJ Gaspar Gadingan uban ang mga elemento sa Provincial Explosives and Canine Unit 9 (PECU) pinaagi ni PCPL LumnaR Cauntongan Jr, didto nakit-an ang Grenade Hand Fragmentation MK2, nga gisulod sa 1.5 nga platic bottle.
Sumala sa nakakaplag nga si Maam Tambor nanghinlo matud pa siya sa lugar aron pagpangandam sa aktibidad sa Women’s Association apan makugang siya dihang napalgan ang maong Granada.
Ang maong granada gi-turned ngadto sa Provincial Explosives and Canine Unit 9 (PECU), sa Barangay Balintawak, Pagadian City alang sa tukmang pagtipig niini.
