*Banga, South Cotabato— Arestado sa gipahigayong buybust operation sa Banga PNP ang usa ka 31 anyos nga nailang Si Jayrald Plana nga residente sa Prk. Reyes Brgy. El Nonok, Banga, South Cotabato.*
*Sumala kang Police Suprintendent Aldrin Gonzales, tigpamaba sa Police Regional Office 12 nga ala una ang takna sa hapon dihang gipahigayon ang buybust operation sa samang lugar.*
*Nakuha gikan sa posisyon sa suspek ang usa ka sachet sa gituuhang shabu, usa ka itom nga sling bag ug 500 ka pesos nga mark money. Samtang nakuhaan usab ini ug usa ka granada gikan sa iyahang posisyon.*
*Dugang pamahayag ni Supt. Gonzales nga dinagko man o ginagmay nga pagkahilambigit sa illegal nga droga kini ang target gihapon sa operasyon.*
*Sa karon matud pa ginasuta pa sa kapulisan kung asa nga mga lugar makaabot ang susek sa iyahang pagpamaligya ug droga.*
*Apan gibutyag niini nga sagad sa mga street level pusher ang wala nagabalgya sa usa ka lang ka lugar. Gina-imbestigahan na usab kini kung asa niya ginakuha ang drogang iyahang ginapayuhot.*
