General Santos City- Nahimong nagmalampuson ang nahimong Grand Opening sa ika-20 ka tuig nga Tuna Festival kagahapon.
Alas-3 sa hapon kagahapon, gisugdan ang float parade nga gisalmutan sa mga nagkadaiyang kompanya sa syudad kon diin gilibot ang mga nag-unang kadalanan hangtod sa Oval Plaza.
Gihimo usab ang usa ka makulay nga programa sa Oval Plaza Stage kon diin nahimong magarbohon ang mga performance sa mga partisipante, kon diin Mardi Gras ang nahimong theme sa aktibidad.
Sa pamahayag ni Gensan City Mayor Ronnel C. Rivera nga dako ang iyahang kalipay nga nahimong nagmalampuson ang maong opening program.
Nakita matud pa niini nga ang tinabangay sa mga katawhan alang sa maong kasaulugan og nakaabot ang syudad sa 20 ka tuig nga selebrasyon.
Nalipay siya sa gihimong ayuda sa mga kapulisan og uban pa nga mga pwersa sa pagbantay sa seguridad.
Panghinaot na lamang niini sa mga katawhan nga magtinabangay aron nga magmalampuson pa ang mga aktibidad sa usa ka semanang pyesta sa panagat sa Gensan.
Photo by: GSC PIO
