Roxas City, Capiz – Dakop ang isa ka persona pinaagi sa buy bust operation sang mga katapo sang Provincial Drug Enforcement Unit(PDEU) sa New Road, Barangay Banica, Roxas City.
Ginkilala ang subject person kay John Kerk Amoroso, 32-anyos ang pang-edaron sang Bangbang St., Barangay ll, Roxas City.
Narekober sa paghinakop sini ang kabilogan nga onse(11) tanan ka plastic sachet sang ginasuspetsahan nga shabu, cash sang suspek nga balor P2,805, pouch nga itom, boddle money, 500 pesos nga buy bust money kag motorsiklo sini nga ginagamit.
Suno sa hepe sang PDEU nga si Police Lieutenant Mark Anthony Garcia, una na nga napreso si Amoroso matapos nga nadakpan sa buy bust operation apang nakaguha lamang matapos nga nag-avail sang plea bargaining agreement sang nakaligad nga Hulyo 2019.
Dugang ni Garcia, ginabanta nga nagalab-ot sa P60,000 ang balor sang illegal nga druga nga narekober sa suspek.
Ini ang natalana nga ipa-idalom sa drug testing kag pagapasakaan sang kaso nga paglapas sa RA 9165 ukon Comprehensive Dangerous Drugs Act of 2002.
