Grassfire nga delikadong maka sunog sa mga wires sa kuryente sa Zone 4, Upper Bulua, daling girespondihan sa BFP Bulua kaganihang buntag

Girespondihan sa Bulua Fire Station sa pagpanguna sa ilang Station Commander nga si Senior Fire Officer kon SFO2 Rolando Aque ang nahitabong grassfire sa Zone 4, Upper Bulua ning syudad pasado alas 10 kaganihang buntag.

Matud ni SFO2 Aque nga posibling dunay gilabay nga upos sa sigarilyo sa lugar kung asa dunay mga gilabay nga mga basura ug mga ligid.

Ang maong grassfire delikadong makasunog sa mga wires sa kuryente nga naa usab duol sa nasunog nga mga sagbot ug basura.