GENERAL SANTOS CITY – Gilusad sa Philippine Drug Enforcement Agency Regional Office XII–Narcotics Detection Unit ubos sa pagmando ni OIC–DIR. Ma. Leslie Sharon Maquilang niaging adlaw nga Sabado alas-6:30 sa buntag ang greyhound operation sulod sa jail facilities sa General Santos City Jail sa Brgy, Lanton.
Gigamit sa PDEA pinaagi sa ilang narcotic sniffing dogs ang pag-search sa 48 detention cells (female and male detention facilities) ug gi-inspect matag usa ka selda alang sa posibleng presensya sa illegal drugs og paraphernalia.
Narekober sa operasyon ang mga cellular phone kauban ang chargers, assorted sharp objects, scissors, electric wires, gambling cards, disposable lighters og daghan pang contrabands.
Gipaubos sad sa PDEA RO XII–Laboratory Section ang surprise mandatory drug test sa tanang 82 personahe sa Male Dormitory ingon man 23 personahe sa Female Dormitory sa nahisgutang Bureau diin negatibo ang resulta sa presensya sa iligal nga droga.
Samtang gipailawom sad ang 46 ka mga preso o Persons Deprived of Liberty (PDLs) sa random drug test nga negatibo sad ang resulta.
For more info’s and updates, like and share our official facebook account : www.facebook.com/ifm91.9Gensanofficial/
