General Santos City—Naglusad ug greyhound operation ang mga personahe sa Philippine Drug Enforcement Agency (PDEA)-12 sa General Santos City Jail niadtong Sabado, June 23, 2018.
Alas 6:30 sa buntag dihang gisugdan sa PDEA-12 ang greyhound operation sulod mismo sa mga silda sa Gensan City Jail sa may Lanton, Barangay Apopong, General Santos City.
Mukabat ngadto sa (48) ka mga detention cells nga gilangkuban sa babaye ug lalaki ang gigalugad aron kumpiskahon ang tanang makit-ang kontrabando.
Narekober sa maong operasyon ang mga cellular phone, chargers, assorted sharp objects, gunting, electric wires, baraha, ug mga disposable lighters.
Ang greyhound usa ka regular nang ginapatuman sa Gensan City Jail diin mismong ang jail warden maoy nag request sa PDEA nga magpahigayon niini aron nga masigurong walay makalusot nga iligal nga droga sa maong prisohan.
(Photo Credit to: PDEA-12)
