Walay nakuha nga ilegal nga drugas o kaha drug paraphernalia ang mga personnel sa Bureau of Jail Management and Penology-7 nga nilusad ug greyhound operation sa Mandaue City Jail ganinang alas 5:00 sa kadlawon .
Si Jail Inspector Johan Alatraca nibutyag nga ang mga nakuha gikan sa mga inmates sa annex building sa male dormitory naglakip lang sa mga ballpen , lighter , kabli , lansang , kahoy ug ubang mga butang apan walay drugas o kagamitan sa pagsuyop niini .
Nagtoo si Alatraca nga nakatabang ang ilang stratehiya karon nga matag shift sa mga jail officers adunay himoon nga random inspection sa mga selda , hinungdan nga naglisod na ang mga inmates sa pagpayuhot ug drugas .
Kini na ang ikaduhang higayon nga nagnegatibo sa drugas ang greyhound operation sa
BJMP-7 sa maong pasilidad .
