Con un alegao Guest Relation Officer (GRO) ya descobri muerto serca na cantoy mar de Sangali, despues el tres dias este ya sale perdido.
Con el victima ya conose como si April Rose Villanueva, 26, native de Surabay, Zamboanga Sibugay y ta trabaha na unu del maga videoke bar na Sangai.
Con el cuerpo di Villanueva ya encontra enante serca man medio dia na un privado lote serca na urillando del mar.
Tiene contucion na su cabesa ya puede nota el maga pulis y un cutchilyo tambien ya encontra serca na su cadaver.
El cuerpo del victima ta esta ya bajo na que se llama state of decomposition ya ta indica mas ya de 24 hora le de muerto.
Maga pulis ahora ta precura sabe si cunquien el victima ya sigui camina antede sale este perdido.
Asegun su maga uban na trabajo nohay tambien reporta na pulis masquin pa este nohay mas puede bolbe desde del Lunes.
