Tagkatingayahan kuman sa mga kapulisan nan lungsod nan Placer, Surigao del Norte, an rason nan pagpangawat nan waya pa makilay-i na mga suspetsado suyod sa Prince Hypermart sa Barangay Bad-as, Placer, jadton Lunes sa buntag, Nobyembre 27; kun diin pati Closed-Circuit Television Camera (CCTV) video files an lakip na gilungkab sanan tagdaya nan mga kawatan. Sa imbestigasyon nan Placer Municipal Police Station, an mga kawatan an miagi sa atop na bahin sa tindahan human ini nila giguba dajon didto ra isab migawas. Nakuha nan mga suspetsado gikan sa tindahan an 18 thousand pesos, apil usab an hard disc na mukantidad sa three thousand sanan duha ka mga Digital Video Recorder (DVR). Padajun gihapon an kapulisan sa Placer sa paghanap sa mga kawatan sanan an paghanap sa rason kun unoy koneksyon nan cctv footage sa ila pagpangawat. (Report from RadyoMan Jerson Fuentes)
