Gibisita sa pipila ka mga residente ug personahe sa Disaster Risk Reduction and Management Office ang Ground Zero kung asa nahitabo ang landslide sa Masara, Davao de Oro.
Dala ang kandila ug bulak, naghalad og pag-ampo ang katawhan aron handumon ang mga indibidwal nga nabiktima sa maong trahedya.
Usa sa masulob-ong misugat sa adlaw sa mga kasing-kasing mao ang 16 anyos nga si Princess Joy Aquiatan kinsa muatubang karon sa bag-ong hagit sa iyang kinabuhi human namatay ang iyang ginikanan sa landslide ug nabinlan sa tulo ka mga manghud.
Sa post ni Aquiatan, iyang gisaysay nga wala na siyay mahimo pa kung dili ang dawaton nalang kini nga mga kabag-ohan aron matuman ang gipanaad niya sa iyang ginikanan nga siya na ang mahimong inahan/amahan sa iyang mga nabilin nga mga manghud.
RadyoMaN Ivy Parido
Facebook Comments
