Groundbreaking para sa bag-o nga Police Station sang banwa sang Jamindan, ginpatigayon!

Jamindan, Capiz- Ginpatigayon kahapon nga adlaw ang groundbreaking ceremony para sa bag-o nga police station sang Jamindan.
Ini ang ginpangunahan ni Jamindan Mayor Mac Valdemar, hepe nga si Police Captain Peter John Pisueña, CPPO Provincial Director Col Julio Gustilo Jr, mga katapo sang municipal council sang Jamindan kag mga personnel sang Jamindan PNP.
Ginpahayag ni Mayor Mac Valdemar nga gintinguhaan sang LGU sang Jamindan nga matitulohan ang duta sang munisipyo kag madonar sa PNP ang pagatindugan sang bag-o nga police station.
Ang nasambitan nga proyekto ang ginpondohan sang kapin sa 7.9 million pesos.
Samtang sa mensahe naman ni PD Gustilo, ginpanginbulahan sini ang kapulisan sa pagpamuno ni PCapt Pisueña bangud isa ang Jamindan PNP sa mga top performing MPS sa probinsya sang Capiz.
📷 Jamindan Today