General Santos City–Tumbok na sa kapulisan ang grupo nga responsible sa pagbutang ug bomba sa Carlito’s Chicken Houz nga nahimutang sa kalawag 2, Isulan, Sultan Kudarat, alas 3:00 pasado ang takna sa hapon niadtong Myerkules, nga gikaangol sa 18 ka mga biktima.
Sumala pa ni Police Lt. Col. Adrin Gonzales, Spokesperson sa PRO- 12 nga ang grupong DauIah Islamiah nga gipamunuan ni Abu Toraife ang ginatudlong grupo nga maoy mibutang sa bomba sa kan-anan.
Ang maong grupo mao usab matud pa ang responsible sa unang duha ka pag pamomba sa Isulan niadtong milabay nga tuig.
Samtang extortion ang motibong ginasundan karon sa kapulisan human nga gikabutyag matud pa sa nanag-iya sa maong kan-anan nga si Carlito nga usa ka simana ayha gibombahan ang iyahang patigayon nakadawat na siya ug txt ug tawag gikan sa mga suspect nga nagapangayo ug kwarta ngadto kaniya ug gikinahanglan ihatag niya sulod sa 24 oras.
Nasayran nga P50,000.00 ang ginapangayo sa grupo matag bulan bugti sa dili pagpanghilabot sa maong grupo ngadto sa patigayon sa negusyante. (Dave Silagan)
