Sa interbyu sa DXDC RMN Davao kang Police Corporal Kier Ian Limondo, sa Baganga Municipal Police Station (MPS), giila niini ang mga nasikop mao sila alyas “Ashley”, alyas “Polit”, alyas “LJ” ug alyas “Je-Je”, puros mga menor de edad.
Samtang, nakaikyas ang 19 anyos nga si alyas “Balolong” nga bag-ohay pa lamang nakagawas sa selda tungod sa maong krimen ug maoy mitaban sa maong mga kinawat.
“Five (suspects). Eluded arrest ang isa. Maoy (leader) sa kining mga bataa ni, kining eluded arrest. Dili na ‘ni minor,” matud ni Limondo.
Sa imbestigasyon, samtang tulog ang biktima ug ubang miyembro sa iyang pamilya, kalit na lamang gikatkat ang ikaduhang andana sa ilang balay unya abtik nga giransak sa usa sa mga kawatan ug didto na nakuha ang usa ka cellphone ug kwarta nga mubalor og P50,000.
Sa pagkakaron, nagpadayon ang gikasang hot pursuit operation sa kapulisan batok sa nakaikyas nga suspek.
RadyoMaN Kirby Manzon
